නළු දිවියේ සුපිරි ධනවතුන්.

මේ වනවිට හොලිවුඩයේ සහ බොලිවුඩයේ ජනප්‍රියත්වයට පත් සුපිරි නළුවන් ‍රැසකි.මොවුන් තම ධනය නිසා කොතෙක් දුරට ජනප්‍රියත්වයට පත්විද යන්න වැඩිදෙනෙකු නොදනී. පසුගියදා " ALL TOP TEN " යන වෙබ් අඩවිය ලෝකයේ සිටින ධනවතුන් ගැන අලුත් අනාවරණයක් කළේය. එහිදී කිසිවෙකු නොසිතෙන පරදි හොලිවුඩ් හා බොලිවුඩ් නළුවන්ගේ නම්ද ඉදිරියෙන්ම කියවුණි.

ජෙරි සෙයින්ෆෙල්ඩ්

ලෝකයටම හුරුපුරුදු මුහුණකි. ඇමරිකාවේ ඉතාමත් ජනප්‍රිය විකට නළුවෙකි. ඒ වගේම ප්‍රසිද්ධ රචකයෙකි. ඇමරිකාවේ රූපවාහිනී වැඩසටහන් හෙබවූවකි. මෙ වන විට හොදම විකට නළුවා ලෙස " EMMY AWARD " සම්මානය සහ හොදම විකට රූපවාහිණී වැඩ සටහන වෙනුවෙන් " GOLDEN GLOBE AWARD " සම්මානයෙන්ද පිදුම් ලබා තිබේ.

සම්පූර්ණ නම : ජෙරොම් ඇලන් සෙනි‍ෆිල්ඩ්
උපත : 1954 අප්‍රේල් 29 ( වයස 60 )
වත්කම : ඇ.ඩො.මි. 820



ෂාරුක් ඛාන්

බොලිවුඩයේ සුපිරි නළු වන ෂාරුක් ඛාන් ලෝකයේ ධනවතුන් අතරින් දෙවැනි තැනට පත්ව ඇත. මේ වන විට චිත්‍රපටි 50කට අධික සංක්‍යාවකට දායක වී ඇත. මොහුගේ නළු ජීවිතය ආරම්භ වූයේ 1992 වර්ෂයේ " දීවානා " යන චිත්‍රපටිය තිළින්ය. මේ වනවිට ඔහු රඟපෑ චිත්‍රපටියක් " Happy New Year " වන චිත්‍රපටිය තිරගත වෙමින් පවතින ආතර, 2015 වර්ෂයේදී " ෆන් " යන චිත්‍රපටය එළිදැක්වීමට නියමිතය.

සම්පූර්ණ නම : ෂාරුක් ඛාන්
උපත : 1965 නොවෙම්බර් 02 ( වයස 48)
වත්කම : ඇ.ඩො.මි. 600



ටොම් කෲස්

ඇමරිකානු නළුවෙකු හා චිත්‍රපට අධ්‍යක්ෂකයෙකු වන මොහු සිනමා ක්ෂේත්‍රය තුළ හඳුන්වනු ලබන්නේ කඩවසම් නළුවා යනුවෙනි . ඔහුගේ ගමන් මග ආරම්භ වූයේ " ටොප් ගන් " සහ 1996 සහ 2011 තිරගත වූ " මිෂන් ඉම්පොසිබල් " චිත්‍රපට මාලවන්ය. " GOLDEN GLOBE AWARD ", " TWO PEOPLE'S CHOICE AWARD " යන සම්මාන ‍රැසකින් පිදුම් ලදී.

සම්පූර්ණ නම : ‍තෝමස් කෲස් මැපෝදර්
උපත : 1962 ජූලි 03 ( වයස 52)
වත්කම : ඇ.ඩො.මි. 480

ජොනී ඩෙප්

පයිරේට්ස් ඔෆ් ද කැරබියන් චිත්‍රපටියේ ලොව ජනප්‍රිය චරිතයක් වූ ජොනී ඩෙප් නළු ජීවිතයට පමණක් නොව සංගීතඥයෙකු ලෙසද පිරිපුන් චරිතයකි. " MTU MOVIE AWARDS, PEOPLE'S CHOICE AWARD " සහ " TEEN CHOICE AWARDS " යන සම්මාන ‍රැසකින් පිදුම් ලදී. 2012 වර්ෂයේදී වැඩිම මුදලක් අය කරන්නා ලෙසද නම් කෙරුණි.

සම්පූර්ණ නම : ජෝන් ක්‍රිස්ටෝපර් ඩෙප්
උපත : 1963 ජූනි 09 ( වයස 51)
වත්කම : ඇ.ඩො.මි. 450





ටයිලර් පෙරී

ඇමරිකානු ජතිකයෙක් වන ට්යිලර් නළුවෙකි, අධ්‍යක්ෂකයෙකි, තිරපිටපත් රචකයෙකි, නිෂ්පාදකයෙකි. මෙවැනි හැකියාවන්ගෙන් අංග සම්පූර්ණ චරිතයක් වූ තම්න්ගේ නාමය වෙනස් කරගන්නා ලදී. එයට හේතුව වන්නේ තමන්ගේ පියාගෙන් ඈත් වීමට ගත් තීරණය හේතුවෙන්ය.


සම්පූර්ණ නම : එමිට් පෙරී
උපත : 1969 සැප්තැම්බර් 13 ( වයස 45)
වත්කම : ඇ.ඩො.මි. 450




ජැක් නිකල්සන්

ඔස්කා සම්මාන 3ක් සහ GOLDEN GLOBAL AWARDS 6ක් සඳහා හිමිකම් කියන ඇමරිකානු ජාතික නළුවෙකි. රංගන දිවියෙන් එහා ගිය අධ්‍යක්ෂකවරයෙක්, නිෂ්පාදක්යෙක් සහ තිර පිටපත් රචකයෙකි. කුක් නෙක්ස්ට්. බැට් මෑන් වැනි චිත්‍රපට වල කැපී පෙනෙන චරිතයක් වූ මොහු රංගන ශිල්පීන්ගේ ධනවතුන් අතරින් 06 වැනි ස්ථානයට පත්ව ඇත.

සම්පූර්ණ නම : ජෝන් ජෝශප් නිකල්සන්
උපත : 1937 අප්‍රේල් 22 ( වයස 77)
වත්කම : ඇ.ඩො.මි. 400